Nëntë turistë kanë humbur jetën pasi janë kapur në befasi nga një ortek shkëmbinjsh që janë shkëputur nga faqja e malit.
Mediat ndërkombëtare raportojnë se turistët ndodheshin në një prej makinave që u godit nga një shkëmb i madh. Ndërsa dhjetra të tjerë mbetën të plagosur.
Pamjet dramatike të postuara në rrjetet sociale tregojnë se si shkëmbinjtë e mëdhenj rrokullisen nga mali duke goditur vrullshëm makinat. Ndërsa një shkëmb bie mbi urë dhe e ndan atë më dysh.
Ngjarja ka ndodhur në Himachal Pradesh, dhe disa prej viktimave janë nga kryeqyteti Delhi. Ata po udhëtonin drejt një destinacioni të njohur turistik në fshatin Chitkul, raportoi The Hindustan Times.
