Gruaja e Michael Schumacher, Corinna shpërtheu në lot pasi zbuloi se bashkëshorti i saj është “ndryshe” që nga dëmtimi i kokës dhe asaj i mungon ai çdo ditë.
Ajo dha një intervistë për një dokumentar të Netflix, ku kujtoi aksidentin e rëndë të legjendës së Formula 1, si dhe detajet e jetës së tyre në këto 8 vite.
“Unë kurrë nuk e kam fajësuar Perëndinë për atë që ndodhi. Ishte vërtet fat i keq – i gjithë fati i keq që dikush mund të ketë në jetë.
“Është gjithmonë e tmerrshme kur thua,” Pse po ndodh kjo me Michael ose me ne? ” Por atëherë pse u ndodh njerëzve të tjerë? “
Më tej Corinna e përlotur vazhdon: “Sigurisht, më mungon Michael çdo ditë. Por nuk më mungon vetëm mua, janë fëmijët, familja, babai i tij, të gjithë të afërmit dhe rrethi i tij”.
“Unë mendoj se ai është thjesht shumë i fortë mendërisht. Jashtëzakonisht i fortë.Ai akoma më tregon se sa i fortë është çdo ditë.”
Kujtojmë se kampioni I F1 pësoi një aksident fatal, ku mori dëmtime të rënda në kokë teksa po bënte ski në Alpet franceze në vitin 2013. Familja thuhet se ka shpenzuar 20 milionë funte për kujdesin e tij gjatë gjithë kohës në shtëpitë e tyre në Zvicër dhe Majorka.
Në vitin 2019, Schumacher u raportua se po bënte “përparim të mirë” dhe se “po përpiqej të komunikonte”, por kjo nuk u konfirmua nga familja e tij.
