Një ngjarje e rëndë ka ndodhur në shtetin fqinj, Greqi, pasi një 49-vjeçar ka marrë peng të ëmën dhe ka kërcënuar se do e vrasë atë.
Sipas mediave helene, përpleshja ka nisur në mënyrë të papritur mbrëmjen e së dielës.
Policia greke bën me dije se 49-vjeçari vuan nga problemet psikologjike ndërsa kanë qenë fqinjët ata që kanë denoncuar në polici pas zhurmës në banesën e tyre.
Pas negociatave, policia ka arritur të nxjerrë nënën nga shtëpia por në momentin e arrestimit, 49-vjeçari goditi me thikë efektivin e policisë.
