Një zyrtar i lartë amerikan ka ngritur alarmin duke deklaruar se Rusia po përpiqet të rekrutojë mercenarë sirianë për të luftuar në Ukrainë.
“Presidenti rus Vladimir Putin beson se duhet të mbështetet te luftëtarët e huaj për të plotësuar angazhimin luftarak brenda Ukrainës”, u tha ai gazetarëve.
BBC raporton se ushtria ruse përgjatë ditëve të fundit kishte rekrutuar luftëtarë nga Rusia, pasi beson se eksperienca e tyre në luftimet e brendshme mund të ndihmojë në marrjen e Kievit.
Rrjeti i lajmeve Deir Ezzor 24, i drejtuar nga aktivistët sirian, raportoi muajin e kaluar se Rusia po u ofronte sirianëve në zonat e kontrolluara nga qeveria paga midis 200 dhe 300 dollarë për të shkuar në Ukrainë për 6 muaj.
Zyrtari i lartë i mbrojtjes amerikane tha se ata nuk mund të japin një vlerësim për numrin e sirianëve që ishin rekrutuar tashmë ose nëse është vendosur apo jo një shifër e saktë e tyre.
