Raporti i parë i autopsisë së djalit 2-vjeçar, i cili dyshohet se është vrarë nga nëna e tij në Spanjë, ka dëshmuar keqtrajtimin e vazhdueshëm të të miturit nga e ëma shqiptare, e cila ndodhet në burg.
Përfundimet e mjekësisë ligjore flasin për një endemë pulmonare, që mund të shpjegojë disa shenja në qafë, që ngjallin dyshime se nëna ka tentuar ta mbysë të birin, si dhe për gjakderdhje të brendshme e lëndime të ndryshme në kafkë, shkruajnë mediat spanjolle, teksa publikojnë edhe pamjet e të resë shqiptare në burg.
Ndërkohë, sipas vajzës 8-vjeçare të gruas, nëna e ka lënë djalin pa ndjenja, duke e mbytur me peshqir.
Sipas mediave spanjolle pas krimit shqiptarja ka telefonuar policinë duke thënë se në banesën e saj ndodhej pajetë djali i vogël, pasi kishte pësuar një goditje të rëndë pasi ishte rrëzuar.
Menjëherë në banesën e saj në komunën e Bigastros ka mbërritur ambulanca dhe ka marrë trupin e dy vjeçarit, por pas autopsisë u vu re se në trupin e djalit kishte shenja mavijosjeje dhe kocka të thyera si pasojë e dhunës së ushtruar.
Ndërkohë që edhe në trupin e binjakut tjetër u gjendët shenja dhune. Menjëherë është vënë në pranga gruaja shqiptare.
