Një rast i rëndë dhune është regjistruar në Kosovë, ku viktimë ka qenë një e mitur. Autoritetet vendase kanë njoftuar se e mitura është dhunuar nga 5 persona, për rreth 7 orë.
Si pasojë e lëndimeve të marra gruaja është dërguar në spital, për ndihmë mjekësore. Sakaq policia njofton se dy nga pesë burrat e dyshuar për dhunë janë arrestuar.
“Ankuesja femër kosovare ka raportuar se pesë persona të dyshuar kanë kryer veprën e lartcekur ndaj viktimës femër kosovare. Lidhur me rastin pas intervistimit viktima është dërguar në strehimore, ndërsa dy të dyshuar meshkuj kosovarë janë arrestuar dhe pas intervistimit me vendim të prokurorit të njëjtit janë dërguar në mbajtje. Nga prokuroria thonë që kanë bërë kërkesë për caktimin e masës së sigurisë. Rastit të cilit i referoheni ju njoftojmë se me urdhër të prokurorit kujdestar nga Departamenti për të Mitur, janë ndaluar dy persona të dyshuar, personi madhor është ndaluar në kohëzgjatje prej 48 orësh, ndërsa i mituri në kohëzgjatje prej 24 orësh, për shkak të dyshimit se kanë kryer veprën penale “Dhunimi”, si dhe, ndaj të njëjtëve Prokurori i Shtetit ka paraqitur kërkesë për caktimin e masës së paraburgimit në gjykatën kompetente.”- ka njoftuar polcia kosovare.
