Një familje kanadeze prej gjashtë anëtarësh ka nisur një udhëtim njëvjeçar rreth botës përpara se vajza, 12 vjeçe dhe djemtë, 7 dhe 5 vjeç, të humbasin shikimin për shkak të një gjendje të rrallë gjenetike.
Prindërit zbuluan në vitin 2018 se vajza e madhe, Mia Lemay-Pelletier kishte retinitis pigmentosa, që mund ta linte të verbër në të 30-at. Vitin e ardhshëm vëllezërit e saj, Colin dhe Laurent, u diagnostikuan të njëjtën sëmundje.
“Daily Mail” shkruan se djali i dytë, Leo, nuk kishte problemin e motrës dhe vëllezërve të tij.
Aktualisht nuk ka asnjë kurë apo trajtim efektiv për të ngadalësuar përparimin e gjendjes. Edith Lemay dhe Sebastien Pelletier theksojnë se fëmijët e tyre mund të jenë “plotësisht të verbër së shoejti”.
Për CNN, Lemay tha se kur specialisti i Mia-s rekomandoi që ajo të krijonte “kujtime vizuale”, nëna kuptoi se ekzistonte një mënyrë vërtet e pabesueshme që ata mund të bënin këtë për të dhe për fëmijët e tjerë. “Mendova, ‘Nuk do t’i tregoj asaj një elefant në një libër, do ta çoj për të parë një elefant të vërtetë. Dhe unë do ta mbush kujtesën e saj vizuale me imazhet më të mira, më të bukura që mundem.”, tha Lemay. Ajo dhe burri i saj shpejt filluan të bëjnë plane për të kaluar një vit duke udhëtuar nëpër botë me fëmijët e tyre. Qëllimi i tyre është të fokusohen në pamjet – kafshët, florën dhe faunën – dhe të përjetojnë gjëra që nuk do të mund t’i bënin në shtëpi.
Ata filluan udhëtimin e tyre në Namibi. Më pas, ata u nisën për në Zambia dhe Tanzani, përpara se të zbarkonin në Turqi për një muaj. Familja më pas mori rrugën për në Mongoli, përpara se të shkonte në Indonezi. “Udhëtimi është diçka nga e cila mund të mësosh.
