Italia ka arritur të fitojë pastër me rezultatin 0-2 përballë Hungarisë në shtëpinë e këtyre të fundit, duke u marrë po ashtu edhe vendin e parë në klasifikim.
Ndeshja u zhbllokua në minutën e 27′ nga Raspadori që do ishte edhe goli i vetëm i 45 minutave të para.
Në pjesën e dytë, “Azzurët” dyfishuan rezultatin me Dimarcon në minutën e 52-të.
Minutat e mbetura do të administroheshin mirë nga të besuarit e Mancinit, që sigurojnë kështu kreun e grupit dhe kalojnë “final four”.
Anglia dhe Gjermania ka dhuruar spektakël në Wembley, në ndeshjen që vlente vetëm për prestigj. Pjesa e parë u mbyll në barazim pa gola edhe pse rastet nuk munguan, por në 45 minutat e dyta u shënuan plot gjashtë të tillë, nga 3 për secilën skuadër.
Ishte Gjermania ajo që do ta kalonte e para në avantazh me Gundogan në minutën e 52, madje do të dyfishonte rezultatin në minutën e 67 me gol fantastik të Havartz.
Anglia “zgjohet” pas golit të dytë të “panzerave” dhe bën një përmbysje të çmendur, Shaw në minutën e 72′ dhe Mount në të 75′, do të shënonin dy herë për të barazuar, ndërsa në minutën e 83′ kapiteni Kane përmbys gjithçka.
Nuk ishte thënë të mbyllej me aq, Havertz shënon sërish në minutën e 87′ dhe barazon sërish shifrat, duke mbyllur këtë sfidë në mënyrë spektakolare.
