Presidenti turk, RexhepTajip Erdogan përdori sërish retorikë sulmuese ndaj Greqisë, në lidhje me çmilitarizimin e ishujve grekë dhe furnizimin e Greqisë me avionët amerikanë F-16.
Erdogan i bëri thirrje qeverisë greke të qendrojë larg provokimeve, pasi sipas tij kjo gjë do të përfundojë keq.
“Qendroni larg provokimeve që do të çojnë në katastrofë për vendin dhe popullin tuaj”, citohet të ketë thënë Erdogan.
Në fjalimin e tij në parlament, Erdogan tha se askush nuk mund ta kufizojë horizontin e Turqisë në 780,000 kilometra katrorë.
“Arsyetimi i Greqisë, i cili militarizon ishujt e Egjeut, është i papajtueshëm me logjikën e aleancës. Ne e dimë shumë mirë se kush është vendi që edhe pas 100 vitesh po armatos sërish Greqinë. Ne e dimë lojën që po tentohet të luhet në këtë mënyrë. Ne këshillojmë administratën greke të qëndrojë larg provokimeve që do të çojnë në katastrofë për veten dhe popullin e saj”, tha Erdogan, duke lëshuar kërcënime të reja kundër Greqisë.
