Lionel Messi mund të rikthehet tek Barcelona dhe këto zëra po përforcohen gjithnjë e më shumë. Ditën e sotme lajmi i bujshëm qarkulloi gjerësisht në media pasi ishte “DailyMail”, që shkruante se Messi është ende i interesuar të ‘rikthehet në shtëpi’ sezonin e ardhshëm.
Sipas prestigjiozes britanike, ylli argjentinas ka rregulluar marrëdhëniet me Presidentin Joan Laporta dhe nëse nuk rinovon kontratën me PSG, mund të rikthehet tek katalanasit falas.
Për t’i hedhur benzinë zjarrit ka menduar edhe modelja Veronica Brunatti, e cila ka bërë një postim në Twitter që ndez ëndrrat e tifozëve katalanas.
“Nga 1 qershori i vitit 2023, Messi do të jetë lojtar i Barcelonës”, shkruan ajo, e cila është një mike e futbollistit argjentinas, i cili verën e ardhshme mund të rezervojë sërish një nga lëvizjet më të bujshme në merkato.
1 de julio de 2023, Lionel #Messi será jugador del Barça.
— Veronica Brunati (@verobrunati) October 4, 2022
