Ambasada amerikane këshillon të gjithë ata që duan të aplikojnë për lotarinë amerikane për hapat që duhet të ndjekin.
Me anë të një njoftimi në rrjete sociale, ambasada shkruan se duhet ruajtur numri i konfirmimit unik, me të cilin pas datës 6 maj 2023, mund të shihet nëse keni fituar apo jo.
“Këshillë për Lotarinë Amerikane: Pasi e keni dërguar aplikimin tuaj të plotë për Vizën e Shumëllojshmërisë për vitin 2024, do të shihni në ekran një lajmërim konfirmimi i cili përban një numër konfirmimi unik. Mbajeni këtë numër në arkivat tuaja. Pas datës 6 maj 2023 do ju duhet të përdorni këtë numër për të parë rezultatin e aplikimit tuaj këtu”, njofton ambasada amerikane.
