Ministri i Drejtësisë në Turqi ka reaguar së fundmi në lidhje me shpërthimin e fuqishëm që ndodhi në Stamboll pasditen e sotme.
Ai ka folur sërish për gruan misterioze, që dyshohet se vuri bombën. Sipas tij, ajo u ul në një stol, priti 45 minuta dhe më pas bomba shpërtheu.
Deri më tani raportohet se 6 persona kanë humbur jetën, ndërsa 81 të tjerë kanë mbetur të plagosur.
Kujtojmë se Kryeprokuroria e Stambollit nisi një hetim për shpërthimin e ndodhur në Beyo?lu ndërsa u ndalua transmetimi i pamjeve. Gjithashtu, u nis një hetim për postimet negative të bëra në llogaritë e rrjeteve sociale në lidhje me shpërthimin.
