Telekamerat e sigurisë, të pozicionuara brenda ambienteve të diskotekës ku besohet se ka ndodhur dhuna seksuale që ka çuar tek arrestimi i Dani Alves, mund të jenë vendimtare.
Nga imazhet që janë në zotërim të hetuesve, duket se rezulton se futbollisti brazilian dhe denoncuesja kanë mbetur të mbyllur në banjo për 15 minuta, natën e 30 dhjetorit. Lojtari gjendet në burgun e Brians, në qytetin Sant Esteve Sesrovires.
Sipas versionit të denoncueses, të publikuar në mediat spanjolle, “Alves e ka detyruar të ulet sipër tij, e ka hedhur në tokë, e ka hedhur në tokë dhe më pas e ka detyruar të ketë marrëdhënie me të”.
Të njëjtën natë, viktima është transferuar në Hospital Clínic të Barcelona-s, ku I është nënshtruar një vizite specifike. Futbollisti, nga ana e tij, ka dhënë tre versione të ndryshme.
Në fillim, ish-futbollisti i Barcelona-s ka thënë se nuk e njihte vajzën që pretendon se është dhunuar seksualisht nga ai, më pas ka thënë se e kishte parë, po se nuk kishte ndodhur asgjë dhe, në fund, ka pohuar se ka qenë ajo që i është hedhur sipër atij.
