Ernest Muçi ishte padyshim heroi i Legias së Varshavës në sfidën e Conference League ndaj anglezëve të Aston Villës, pasi shënoi dy gola, njëri më i bukur se tjetri, në suksesin 3-2 të polakëve.
ERNEST MUÇI 🇦🇱(2001) RETAKES THE LEAD!!!
WHY DOES HE HAVE TO SCORE AGAINST MY FOOTBALL CLUB THOUGH? 😭https://t.co/dzOEtm509I— Football Report (@FootballReprt) September 21, 2023
Sulmuesi 22-vjeçar shqiptar u zëvendësua në minutën e 72-të dhe u shoqërua me ovacione nga tifozeria polake, që thirri në kor emrin Ernest Muçi për shumë sekonda.
ERNEST MUÇI 🇦🇱(2001) AT THE DOUBLE WITH A LOVELY GOAL TO RETAKE THE LEAD!!!
📽️ @QJTXSJThttps://t.co/PPcPeV0uUT— Football Report (@FootballReprt) September 21, 2023
Muçi ishte njeriu i ndeshjes, teksa sajti sportiv SofaScore e vlerësoi me notën e lartë 8.5. Si më i miri i ndeshjes, sulmuesi shqiptar u vlerësua edhe nga mediat polake që vlerësonin performancën dhe guximin e sulmuesit shqiptar.
“Kur ai u largua nga fusha në minutën e 71-të, ai u prit me ovacione dhe i gjithë stadiumi brohoriti emrin e tij. Me meritë. Muçi ishte heroi i Legias në ndeshjen kundër Aston Villas. Shqiptari shënoi dy gola, duke qenë lojtari më i mirë në fushë. Muçi luajti trimërisht, nuk u tremb nga veprimet individuale, të cilat i dhanë dobi në aksionin e golit për të çuar rezultatin në 3-2. Sulmuesi i Legias mund të kishte shënuar edhe një gol para pushimit, por Ezri Konsa e ndaloi në momentin e fundit. Pavarësisht kësaj, Muçi luajti në mënyrë perfekte. Nëse dëshironi të shkëlqeni, është padyshim kjo mënyrë loje dhe në ndeshje të tilla”, shkruajnë mediat polake.
