21 Janar 1924/ Ndahet nga jeta Vladimir Lenin udhëheqësi bolshevik i Bashkimit Sovjetik

113 563 lexime

124,178FansaPëlqeje

Vladimir Lenini, arkitekti i Revolucionit Bolshevik dhe udhëheqësi i parë i Bashkimit Sovjetik, vdes nga një hemorragji celebrale në moshën 54-vjeçare. Në fillim të viteve 1890, Lenini e braktisi karrierën e tij si jurist, për t’iu përkushtuar studimeve marksiste, dhe provokimit të aktiviteteve revolucionare midis punonjësve rusë.

I arrestuar dhe internuar në Siberi më 1897ë-n, ai udhëtoi më vonë në Evropën Perëndimore, ku në vitin 1903 themeloi grupin bolshevik të Partisë Socialiste Demokratike të Punëtorëve Ruse. Bolshevikët ishin një parti militante e revolucionarëve profesionistë, që kërkonin të shkatërronin qeverinë cariste dhe ngrinin në vend të saj një qeveri marksiste.

Në vitin 1905, punëtorët u rebeluan në të gjithë Rusinë, por vetëm në vitin 1917 dhe me përfshirjen katastrofike të Rusisë në Luftën e Parë Botërore, Lenini e kuptoi se kishte ardhur koha për shpërthimin e revolucionit komunist. Në marsin e vitit 1917, garnizoni i ushtrisë ruse në Petrograd dezertoi në favor të kauzës bolshevike, dhe Car Nikolla II u detyrua të abdikojë. Lenini u nis menjëherë nga Zvicra drejt Rusisë, kapërceu linjat e frontit armik gjerman, dhe mbërriti në Petrograd më 16 prill 1917. Gjashtë muaj më vonë, nën udhëheqjen e tij, bolshevikët morën pushtetin në Rusi dhe Lenini u bë diktatori i vendit.

Megjithatë, Lufta civile dhe ndërhyrja e huaj, e vonoi kontrollin e plotë bolshevik të Rusisë deri në vitin 1920. Qeveria e Leninit, shtetëzoi industrinë dhe shpërndau tokat, dhe më 30 dhjetor 1922, themeloi Bashkimin e Republikave Socialiste Sovjetike (BRSS).

Pas vdekjes së Leninit në fillim të vitit 1924, trupi i tij u balsamua dhe u vendos në një mauzole pranë Kremlinit në Moskë. Petrogradi u riemërua Leningrad, për nder të tij. Bashkë-revolucionari Jozef Stalini, e pasoi udhëheqës i Bashkimit Sovjetik, edhe pse në testamentin e lënë bashkëshortes, Lenini kishte deklaruar se vendi nuk mund të lihej kurrësesi në duart e Stalinit.

Lexo edhe :  Fyerje në baza fetare dhe tallje me Zonjën e Parë, Turqia nis hetim ndaj Spotify

Kalendar

21 Janar 1525 – Lëvizja Anabaptiste Zviceriane, themelohet kur Conrad Grebel, Felix Manz, George Blaurock, dhe dhjetëra të tjerë pagëzojnë njëri-tjetrin në shtëpia e nënës së Manz në Zyrih, duke thyer një traditë mijëvjeçare të bashkimit të kishës dhe shtetit.

21 Janar 1948 – Në Kanada miratohet përdorimi i flamuri i Kebekut, që valevitet për herë të parë mbi godinën e Asamblenë Kombëtare të Kebekut, një rajon i banuar kryesisht nga kanadezë me origjinë franceze.

21 Janar 1961 – Katërqind e tridhjetë e pesë punëtorë, varrosen për së gjalli kur shembet një minierë në Coalbrook të Afrikës së Jugut.

21 Janar 1999 – Në një nga aksionet më të mëdha të antidrogës në historinë amerikane, Rojet bregdetare të SHBA-së kapin një anije me mbi 4.300 kilogramë kokainë në bord.

21 Janar  2003 – Një tërmet ma magnitudë 7.6 magnitudë godet shtetin meksikan të Kolimas, duke vrarë 29 persona, dhe duke lënë të pastrehë rreth 10 mijë njerëz.

21 Janar 2017 – Mbi 400 qytete në të gjithë Amerikën dhe 160 vende të botës marrin pjesë në një marshim të gjerë të grave, në ditën e parë të Donald Trump si president i Shteteve të Bashkuara.

 

Të fundit

Çelet sezoni artistik në Elbasan, instrumentistët sjellin vepra botërore

Në Elbasan është çelur sezoni artistik veror me koncertin “Virtuozët”, një aktivitet që solli në skenë instrumentistë të talentuar...

Dy lojtarë dalin kundër Barcelonës: Nuk duam të largohemi!

Barcelona duhet të sigurojë të ardhura këtë verë, me qëllim që të jetë në gjendje të regjistrojë transferimet e reja. Lojtari i vetëm i...

Ministri i Izraelit: E sulmojmë përsëri Iranin, ne s’kemi frikë

Ministri i Jashtëm i Izraelit, Eli Cohen, ka dhënë një paralajmërim të drejtpërdrejtë ndaj Iranit lidhur me programin e tij bërthamor. Në një intervistë për...

Medikamente kontrabandë, nën akuzë pronarët e farmacive! Ilaçet u futën nga Greqia?

Pronarët e dy farmacive në Korçë janë marrë nën hetim nga Policia nën dyshimin e kontrabandës së medikamenteve nga Greqia. Kontrolli i ushtruar në mënyrë...

Zyrtari i PD: Oligarkët do kapin Thethin përmes ‘Paketës së Maleve’

Zyrtari i Partisë Demokratike, Dorian Teliti zbuloi sot, sipas pretendimeve të tij, prapaskenat e aksionit të ndërmarrë nga IKMT, me urdhër të kryeministrit Edi...

Lajme të tjera

Web TV