PSG ka shkaktuar një surprizë që pakkush e mendonte të mundur, teksa ka eliminuar Liverpoolin në Ligën e Kampioneve. Skuadra e Slot, e cila e kishte mbyllur e para fazën e grupeve, ka dalë sot nga turneu e eliminuar falë gjuajtjeve të 11-metërshave.
Pas fitores 1-0 në ndeshjen e parë në Francë të anglezëve, mendohej se këta të fundit do të fitonin edhe sfidën e kthimit në fushën e tyre, ndonëse parisienët i kishin dominuar. Por pas një starti të vrullshëm të vendasve, ishin miqtë që gjetën golin me Dembele duke hapur kualifikimin.
Më pas u zhvillua një ndeshje e hapur, me raste në të dy portat, ku Donnarumma në një anë e Alisson në tjetrën u bënë vendimtarë me ndërhyrjet e tyre. Kështu, deri në vërshëllimën përfundimtare nuk kishte gola të tjerë dhe as në kohën shtesë. Ndaj për të përcaktuar çerekfinalistin u deshën gjuajtjet e penalltive.
Parisienët shënuan saktësisht të 4 gjuajtjet e tyre, ndërsa te Liverpool gabuan Nunez dhe Jones, të ndalur nga Donnarumma, i cili kaloi kështu skuadrën e tij në çerekfinalet e turneut./ D.C
DARWIN NUNEZ 🥶🥶🥶 pic.twitter.com/WKOySJkqpn
— Hater Central (@TheHateCentral) March 11, 2025
Donnarumma saves Curtis Jones 's penalty!pic.twitter.com/PV5y4193Q6
— Goals Xtra (@GoalsXtra) March 11, 2025
Désiré Doué hits the Cole Palmer celebration after knocking out Liverpool 🥶 pic.twitter.com/cV7IWdMoSh
— CFChris. (@EmenaIo) March 11, 2025
