“Jam pak i trishtuar”, thotë regjisori e skenaristi Juri Arabov. E teksa të kaplon shqetësimi se mos diçka nuk ka shkuar mirë, shton: “Jam i trishtuar se po mbarojnë xhirimet, por shpresoj që do të dalë një film i mirë”. Kështu shkruan në një postim të saj ministja e kulturës Elva Margariti duke iu referuar takimit me regjisorin e njohur rus
Pas disa ditësh xhirimesh në Gjirokastër, e gjithë trupa shqiptaro-ruse zbriti në Tiranë për çak-un e fundit. Filmi me skenar të shkrimtarit Ismail Kadare dhe një kast aktorësh të zgjedhur, do të nisë një fazë të re, atë të postproduksionit. “E kënaqur që mbërritëm deri këtu dhe që përmes një filmi artistik të rrëfejmë jo vetëm një histori dashurie mes dy të rinjsh, por marrëdhëniet mes dy shtetesh, nga vëllazëria në armiqësi”, shkruan Margariti..
Regjisori, i cili ka përshtatur skenarin e Kadaresë është artisti i famshëm rus, Aleksandër Sokurov, i njohur si fitues i ‘’Luanit të Artë’’ në Festivalin e Venecias në vitin 2011 për filmin “Faust”.
Vetë regjisori i njohur rus Juri Arabov është shprehur se filmi që po përfundon xhirimet është përqafuar me dashuri prej rusëve dhe do të jetë një realizim mbresëlënës.
Pas 66 vitesh Juri Arabov zgjodhi përsëri Gjirokastrën si shesh xhirimi, jo vetëm për disa episode si në filmin “Skënderbeu”, por për gati të gjithë filmin. Filmi artistik shqiptaro-rus “Gjirokastra” vjen përmes bashkëpunimit të produksionit shqiptar “Albimazh” dhe atij rus “Fortunafilms” me producentët respektivë Loreta Mokini dhe Ella Arkangelskaia. Financimi i tij mbështetet nga Ministria e Kulturës së Shqipërisë dhe Ministria e Kulturës së Federatës Ruse.
Në këtë mënyrë, historitë e dashurive shqiptaro-ruse është drejt fundit për tu kthyer në një film. Gjithccka ka nisur mbi sinopsin “Sorkadhet e trembura” të shkrimtarit të madh shqiptar, Ismail Kadare. Do të duheshin vite punë, që më në fund ky projekt të niste udhën e sigurt të realizimit. Filmi tregon një nga ato dhjetëra histori të viteve ’50-’60, mes një djali shqiptar të shkolluar në ish-Bashkimin Sovjetik dhe një vajze ruse, të cilët do të duheshin të ndaheshin për shkak të raporteve të prishura diplomatike mes dy vendeve.
