Edhe një ditë na ndan nga ndeshja më e rëndësishme në Spanjë, por në të njëjtën kohë edhe një nga më të ndjekurat kudo në botë, ajo midis Barcelonës dhe Real Madridit.
Në ndryshim nga ndeshjet e mëparshme midis këtyre dy skuadrave, kjo “Klasike” vjen me një situatë të rënduar politike, por edhe në opinion sportiv, duke bërë që kudo të diskutohet për polemikat që çuan në shtyrjen e kësja sfide, e cila duhej të ishte luajtur që në muajin tetor.
Ndërsa lojtari kryesor i Bracelonës,Lionel Messi dhe trajneri i Real Madrid Zinedine Zidane, duket se janë të përqendruar vetëm te loja dhe performaca që duhet të tregojnë.
Në një komunikim me mediat, Messi i ka dal në krah trajnerit të Realit dhe ka thënë vetëm fjalë të mira kur është pyetur se përse vëshëllehet.
“Është e pakuptimtë, por gjithsesi ne që lujmë në nivele të larta e dimë shumë mirë që tifozët harrojnë ato që kemi arritur dhe kërkojnë çdo ditë më shumë”,- u shpreh sulmuesi i Barcelonës.
Më tej, ai nuk e ka fshehur dëshirën për fitore e sidomos në këtë ndeshje shumë të veçantë.
“Kjo ndeshje është speciale, e tillë është edhe çdo fitore”, -tha argjentinasi.
Ndeshja e së mërkurës pritet që të prishë situatën në garën për titull në “La Liga”, pasi skuadrat kanë pikë të barabarta.
Trajneri i Realit nga ana tjetër ka thënë se përeç fitores e rëndësishme është që të shijohet ndeshja, duke theksuar se vetë pjesëmarrja në këtë ndeshje është një ëndërr.
“E rëndësishme është të luajmë ndeshjen dhe ta shijojmë sa më shumë që të jetë e mundur. Në fund të fundit, si ne ashtu edhe Barcelona këtë kërkojmë. Këto janë ndeshjet që gjithsecili ëndërron të luajë. Një ndeshje e madhe futbolli, pjesa tjetër nuk ka rëndësi”,- u shpreh Zinedine Zidane./Përgatiti: Fjala.al/
