Ndonjëherë masivisht, ndonjëherë vetëm ata vazhdojnë të mbërrijnë: me anije ‘primitive’ që mbajnë burra, gra dhe fëmijë duke kërkuar një liri të cilën shpresojnë se Europa do t’ua ofrojë.
Pavarësisht rrezatimit të ulët diellor në dimër dhe reshjeve dhe stuhive intensive, zbarkimi në brigjet greke i personave që kërkojnë azil, nuk duket të ulet aspak. Numri i të ardhurve nuk ka qënë kaq i lartë që nga marrëveshja historike e Evropës me Turqinë për të frenuar flukset e migrantëve në kulmin e luftës civile të Sirisë në Mars 2016.
Vetëm në muajin shtator kanë mbërritur rreth 10,551 persona të rinj, dhe ky regjistrohet si numri më i madh i personave të ardhur brenda një muaji që nga nënshkrimi i marrëveshjes.
Kjo rritje e menjëhershme ka vënë nën presion qeverinë e së djathtës e cila pritet të mbajë një qëndrim më të ashpër mbi migracionin sesa paraardhësit e saj. Që nga marrja e detyrës në muajin korrik, kryeministri Kyriakos Mitsotakis i ka bërë thirrje Bashkimit Europian të shfaqë më shumë solidaritet ndaj Greqisë dhe shteteve të tjera kufitare të cilat po përballen me dyndje gjithnjë e më imense të refugjatëve.
Shifrat e fundit tregojnë se janë rreth 40,000 burra, gra dhe fëmijë në Samos, Lesbos, Chios, Kos dhe Leros- pesë pikat kyçe hyrëse me të cilat përballet Turqia- kryesisht të akomoduar në kampe të mbipopulluara të përshtatshme vetëm për 5400 persona. Pavarësisht përpjekjeve të bashkërenduara për të lëvizur turmat nga ishujt, autoritetet kanë mundur të largojnë vetëm 10,000 njerëz në muajt e fundit.
Organi i ri ekzekutiv i BE-së është i gatshëm të hartojë politika të reja mbi sfidën e migracionit dhe Athina deklaron se është thelbësore që Brukseli të njohë nevojën e azilkërkuesve për tu ndarë në mënyrë të barabartë midis shteteve anëtare.
Javën e kaluar, Mitsotakis iu drejtua nënkryetarit të ri të Komisionit Europian, Margaritis Schinas, dhe komisioneres së çështjeve të brendshme Ylva Johansson-të cilët merren me rregullimin e migracionit dhe politikat e azilit- që Greqia “ka arritur në limite” dhe nuk mundet ta përballojë e vetme ardhjen e azilkërkuesve.
“Ky nuk është një problem vetëm i Greqisë dhe Turqisë,” u shpreh ai ndërsa zyrtarët vizituan Athinën. Kjo është një çështje që prek gjithë Bashkimin Europian dhe ne presim ndihmën tuaj, ashtu sikurse dhe politika kategorike europiane, për të adresuar këtë problem.”
E ndodhur në shënjestrën e trafikantëve të qënieve njerëzore, Greqia është përballur me vështirësitë e valës së emigrantëve, duke pritur rreth 90,000 refugjatë dhe migrantë në të gjithë vendin- shifër më e madhe sesa vet totali i azilkërkuesve bashkë të regjistruar në Itali, Spanjë, Maltë dhe Qipro, sipas të dhënave të UNHCR.
Mes shqetësimeve në rritje për kushtet e tmerrshme, Brukseli ka qenë nën presion për të ndërmarrë veprime. Në 12 dhjetor, Franca deklaroi se do të strehonte rreth 400 persona, por kjo përpjekje nuk bëri asnjë diferencë në këtë situatë.
Në një kohë kur BE përballet me rezistencë të fortë brenda kufijve të saj – jo vetëm nga vendet e grupit ‘Visegrád’ të udhëhequra nga Hungaria – dëshira dhe vullneti i mirë do të bëjnë shumë pak për të shpërndarë njerëzit në mënyrë të drejtë, thonë zyrtarët grekë.
Më vonë atë muaj, komisioneri i lartë i Kombeve të Bashkuara për refugjatët, Filippo Grandi, gjithashtu bëri thirrje që Europa të bëjë më shumë në një kohë ku zhvendosja globale është në rritje për shkak të persekutimit dhe luftës. Duke u nisur nga një udhëtim simbolik që ai zhvilloi në Greqi, vuri re solidarizimin me të cilin kombi grek mirëpriti mbi një milionë sirianë në kulmin e krizës,por tani ky solidarizim është shumë më pak i dukshëm, madje në rrezik për të shteruar.
“Europa duhet të fillojë të organizohet më mirë,” tha ai pasi vizitoi ishullin Lesbos. “Duhet të zhvillohet një sistem i cili bazohet në ndarjen, ndarjen e përgjegjësive.
Rregulloret e hartuara 20 vjet më parë që kërkonin nga azilkërkuesit të regjistroheshin në vendet e hyrjes së parë janë “plotësisht të papërshtatshme tani”, tha ai.
Edhe më shqetësuese ishte numri i madh i të miturve të pashoqëruar që mbërritën, të cilët ishin më të rrezikuar nga shfrytëzimi i punës, shfrytëzimi seksual dhe dhuna, paralajmëroi Grandi.
Zgjedhur në një platformë të ashpër ligji dhe rendi, qeveria e Mitsotakisi-t ka njoftuar masa që synojnë në mënyrë të prerë frenimin dhe deportimin e atyre që nuk kanë të drejtë të qëndrojnë në Evropë.
Midis politikave është një plan i diskutueshëm për të zëvendësuar kampet ishullore të përhapura me qendra të mbyllura të paraburgimit, për të cilat grupet e të drejtave të njeriut pretendojnë se do të jenë në krahasim me “burgjet”.
Administrata e re ka njoftuar gjithashtu plane për të përshpejtuar procedurat e azilit ndërsa do të kthehen në vendet e tyre rreth 20,000 persona.
Ndërsa retorika anti-emigruese rritet në të gjithë kontinentin, OKB-ja ka shprehur frikë në lidhje me perspektivën e masave të ashpra që po zbatohen për njerëzit që kanë dëshpërimisht nevojë për mbrojtje, qasje në arsim dhe shërbime shëndetësore./Përshtati nga Yahoo, /Fjala.al/
