Presidenti i Republikës, Ilir Meta u takua paraditen e së martës me zëvendëskryeministrin dhe njëkohësisht ministrin e jashtëm të Kosovës, Behgjet Pacolli. Presidenti ka njoftuar për takimin me zëvendëskryeministrin Pacolli nëpërmjet rrjeteve sociale ku ka postuar dhe foto nga takimi.
“Pata sot një takim të përzemërt me zëvendëskryeministrin e Kosovës, z.Behgjet Pacolli.
E falënderova me mirënjohje për ndihmën e tij financiare prej rreth 1 milion euro, për tejkalimin e pasojave të rënda të tërmetit të 26 nëntorit, nëpërmjet realizimit të projektit të tij bamirës për ndërtimin e banesave të reja të familjeve në Thumanë, që humbën shtëpitë e tyre nga kjo fatkeqësi natyrore.”, –shkruan Meta.
