Këshilli i Lartë i Prokurorisë po zhvillon intervistat me tre kandidatët për kreun e Prokurorisë së Posaçme kundër Korrupsionit dhe Krimit të Organizuar. Seancat e pyetjeve zgjasin rreth 45 minuta dhe në momentin që kandidati Arben Kraja po shpaloste projektin e tij për drejtimin e SPAK, është ndërprerë nga kreu i KLP, Gent Ibrahimi. Arsyeja ishte mungesa e kohës, pasi duhej liruar salla e mbledhjeve.
“Nuk më vjen turp ta them, ne vijojmë të punojmë në kushte të papërshtatshme dhe kjo është një dëshmi e drejpërdrejtë, nuk dua t’ia kursej kurrë kujt. Duhet të shikojmë orën, kur do të kishim dashur të diskutojmë me ju pa fund. Duhet t’i japim Shqipërisë drejtuesin e SPAK dhe këtej duhet të shikojmë orën. Më vjen keq që e lëshuam presionin mbi zotin Kraja, por kjo është dhuratë nga KLGj-ja, por fillimisht na dhanë një orë, ndërsa tani 30 minuta.”- tha kreu i KLP-së Gent Ibrahimi
