Enkeleda Fishekaj
Ajo që gjithmonë na ka bërë për të qeshur me batutat e saj, energjike dhe një aktore e cila i ka dhënë jetë kinematografisë dhe teatrit të kukullave sot ndërroi jetë në Amerikë. Është mikja e saj, Shegushe Bebe, që na e bën lajmin të ditur nga një postim në Facebook.
“Oh sa dhimbje… oh sa lot… nuk gjej fjalë ta përshkruaj… sapo më erdhi lajmi nga Amerika, është ndarë nga jeta mikja ime e shtrenjtë Mira Minga Jupi, aktorja e mrekullueshme e teatrit të kukullave, gruaja ideale, nëna e jashtëzakonshme që do ti mungoj aq shumë familjes. Mira e talentuar, aq bujare, aq punëtore e zemërbardhë, u largua në Amerikë para 19 vitesh e sot largohet nga jeta, e ne nuk kemi mundësi t’i japim lamtumirën e fundit…qofsh e parajsës mikja ime e mirë e dheun e huaj e paç të lehtë. Do të më mungosh aq shumë e kafenë nuk do ta pimë më bashkë nëpërmjet skype, do të kujtoj gjithmonë me shumë dashuri e dhimbje. Ngushëllime familjes e miqve që të deshën aq shumë”
Mira Minga Jupi u largua në Amerikë para 19-vitesh do të prehet në paqe në dheun e huaj si shprehet dhe mikja e saj, do t’i japim lamtumirën nga larg, por i pavdekshëm do të mbetet emri dhe historia që kanë mbajtur gjallë kinematografin dhe teatrin tonë për vite me radhë”, për këtë lajm ka shkruar dhe autori i shumë librave Petraq Risto, i cili jeton në Amerikë, nuk janë bërë të ditura shkaqet se përse aktorja ka ndërruar jetë “Mora vesh lajmin e hidhur se është ndarë nga jeta mikesha jonë e cila prej gati 20 vjetësh jetonte me familjen e saj në ShBA. Mira ka qenë një nga aktoret më të talentuara dhe më aktive në Teatrin e Kukullave të Tiranës, ku unë punova shtatë vjet si libretist. Ikja e parakohshme e Mirës na pikëlloi shumë dhe ne, miqve të saj”, shkruan Risto.
Mira Jupi njihet si një nga aktoret më të mira të Teatrit të Kukullave në Tiranë ku debutoi për vite me radhë. Aktorja e dashur për publikun, mbahet mend nga publiku edhe për rolin emblematik të zonjës Kotes tek filmi artistik: “Përrallë nga e kaluara”
Tanimë nuk na mbetet gjë tjetër veçse t’i themi lamtumirë aktores së njohur, dhe se do t’i mungojë përjetësisht vendit, kinematografisë dhe teatrit të fëmijëve.
