Në Angli vijojnë të jenë lajme të “zakonshme” ato të ndalimit nga policia britanike të shtetasve shqiptarë, që kapen pasi kanë kthyer shtëpine në “Fermë kanabisi”. Kështu ka qenë edhe rasti më i fundit i publikuar edhe nga mediat në këtë shtet, ku një shqiptar ra në prangat e policisë për kultivim dhe shpërndarje hashashi.
Nikola Çela, është dënuar me 28 muaj burgim pasi polica britanike gjeti 350 bimë cannabis të cilat i kishte kultivuar në shtëpinë e tij, në Doncaster. Policia zbuloi bimët në Ferrers Roads, Whitley, në tarracën e banesës në të cilën banonte emigranti Çela.
Sipas policisë së Yorkshire, Çela, ishte me banim të paligjshëm në Angli, pra një emigrant i paligjshëm dhe do të ekstradohet në Shqipëri për të kryer dënimin. Vitet e fundit janë të shpeshta rastet, kur në shumë qytete britanike kapen nga policia shtetas shqiptarë që hanë hyrë si klandestin në këtë vend dhe merren specifikisht me kultivimin e kanabisit./Fjala.al/
