Pas vendimit nga një gjykatë speciale në Islamabad të Pakistanit për të dënuar me vdekje ish-presidentin Pervez Musharaf, kryeministri pakistanez Imran Khan, deklaroi gjatë një mbledhje të partisë së tij se, ka dyshime rreth paanësisë për procesin gjyqësor.
Kryeministri Imran Khan, pas rikthimit nga Forumi Global për Refugjatët, i mbajtur në Gjenevë, urdhëroi një mbledhje me krerët e partisë së tij, për të diskutuar për vendimin e paprecendentë të dënimit me vdekje të Musharaf. Zëdhënësi i kryeministrit tha se kreu i qeverisë duhet të njohë në detaje vendimin e gjykatës speciale përpara se të marrë një qëndrim zyrtar për çështjen.
Gjithashtu raportohet se dy nga ndihmësit më të besuar të kryeministrit Khan, kanë siguruar se ushtrinë pakistaneze dhe qeveria do të mbështesë ish-gjeneralin e tyre, Musharaf gjatë procesit të pritshëm të apelimit të vendimit.
Ushtria pakistaneze e ka denoncuar vendimin e gjykatë për dënimin me vdekje të ish-gjeneralit Musharaf duke arsyetuar se një ushtarak i lartë, mbi të gjitha një gjeneral, nuk mund të jetë kurrsesi tradhtar.
Prokuroi i Përgjithshëm Anwar Masood tha për gazetarët në lidhje me dënimin e Musharaf se do të mbrojë ligjin për këtë çështje, por jo individin.
Kryeministri Khan raportohet t’u ketë thënë gazetarëve se nuk ka dyshime që një person që ka kryer tradhti ndaj atdheut duhet të dënohet, por në gjyqin ndaj Musharaf nuk ka garanci nëse është respektuar Kushtetuta dhe gjyqi ishte i paanshëm.
Të mërkurën një gjykatë speciale në Islamabad dënoi me vdekje ish-presidentin Pervez Musharaf për anulimin të Kushtetutës të kryer në vitin 2007, në mënyrë që të zgjaste mandatin e tij./fjala.al/
