Presidenti i Republikës Ilir Meta, priti sot në një takim ish-deputetin e Kuvendit të Shqipërisë, z.Ervin Salianji, për t’u njohur nga afër me shqetësimet e tij në lidhje me cënimin e procesit të rregullt ligjor në çështjen gjyqësore penale që po zhvillohet në ngarkim të tij.
Gjykata e Tiranës e dënoi të martën me një vit burgim për akuzën e kallëzimit të rremë në çështjen që njihet si “Babalja”. Audiopërgjigjimi i publikuar nga PD pretendonte se përfshihej Geron Xhafaj, vëllai i ish-ministrit të Brendshëm, Fatmir Xhafaj, se ai ishte i lidhur me çështje të trafikut të drogës.
Pas dënimit të ish deputetit të PD-së, kreu i shtetit priti në një takim Ervin Salianjin të cilin e ka inkurajuar që të mos humbasë besimin tek drejtësia dhe të vijojë të ndjekë të gjitha rrugët dhe mjetet proceduriale ligjore në mbrojtje të të drejtave të tij.
“Presidenti Meta theksoi rëndësinë që procesi gjyqësor që ka nisur të zhvillohet në mënyrë të pavarur dhe objektive. Kreu i Shtetit e garantoi z.Salianji se do ta ndjekë me vëmendje të posaçme këtë çështje me sensibilitet të lartë publik, duke inkurajuar një gjykim shterues dhe transparent”. – thuhet në postimin e zëdhënësit të presidentit, Tedi Blushi.
Meta ka theksuar rëndësinë që procesi gjyqësor që ka nisur të zhvillohet në mënyrë të pavarur dhe objektive. Kreu i Shtetit e garantoi z.Salianji se do ta ndjekë me vëmendje të posaçme këtë çështje me sensibilitet të lartë publik, duke inkurajuar një gjykim shterues dhe transparent.
