Greqia godet rrjetin ndërkombëtar të barnave anabolike e të paligjshme

113 563 lexime

124,178FansaPëlqeje

Një organizatë shumëpalëshe kriminale e shtrirë në të gjithë Greqinë dhe në shumë vende të të tjera, sipas policisë greke, tregtonte sasi të mëdha të substancave ilegale anabolike, që shërbenin për të përmirësuar perfomancën e atletëve, veçanërisht në palestra, u shkatërrua nga Drejtoria e Policisë Ekonomike në bashkëpunim me autoritetet franceze.

Ky u pasua nga operacione të njëkohshme policore në Attica, Evia, Fokida, Selanik dhe Kretë, me arrestimin e 9 personave, të moshës 25 deri në 41 vjeç. Mes të arrestuarve është edhe kreu i bandës një shtetas shqiptar 25 vjeç, banues në Chalkida, si dhe katër të tjerë.

Gjatë hetimit policor, u sekuestrua një depo ilegale e cila i përkiste kreut të bandës 25-vjeçarit shqiptar që u gjet në Euboea, në të cilën u gjetën lëndë të para dhe pajisje mekanike të instaluara për përgatitjen e substancave që mandej tregtoheshin. Sipas policisë operacioni është shtrirë në rajone të ndryshme të Greqisë dhe jashtë saj si në (Kanada, SH.B.A., Kinë, Turqi, Indi, Çeki, Bullgari, Britaninë e Madhe, Gjermani, Singapori dhe Panama).

Banda

Drejtuesi i bandës, së bashku me 25-vjeçarin shqiptar është një francez i cili ende nuk është arrestuar dhe që ka qenë aktiv kryesisht në Francë dhe Turqi.

Bëhet me dije se për trafikimin e drogave të paligjshme përdoreshin kryesisht kompanitë korrier, ndërsa transaksionet kryheshin duke përdorur “llogari bankare” për të siguruar anonimatin, duke e bërë të vështirë për autoritetet që të hetojnë dhe të gjurmojnë origjinën e tyre.

Përveç produkteve anabolike dhe produkteve të tjera medicinale, anëtarët e organizatës kriminale trafikonin edhe substanca të tjera që përdoren si antidota për efektet anësore të shkaktuara nga sa më sipër. Lëndët e para importoheshin kryesisht nga Kina dhe Turqia, për t’u përpunuar mandej në një laborator në Evia. Banda vlerësohet të ketë funksionuar gjatë pesë viteve të fundit dhe fitimet nga biznesi i paligjshëm tejkalojnë 2,000,000 euro.

Lexo edhe :  I dëshpëruari Berisha tregon planin e veprimit të PD deri në shtator

Gjatë hetimeve, u gjetën dhe konfiskuan: mbi (500,000) copë formulime anabolike dhe të tjera të ndaluara, si pilula, sasi të mëdha të lëndëve të para dhe substancave të tjera të ndaluara në formë të lëngshme dhe të ngurtë, materiale të shumta për paketimin e përgatitjeve të paligjshme, pajisje mekanike për prodhimin e preparateve anabolike dhe të tjera të ndaluara, një shumë prej 10,585 EUR, (16) telefona celulare, (6) kompjuterë, hard disk, shkop usb dhe një numër dokumentesh për blerjen dhe trajtimin e pajisjeve.

Të arrestuarit dhe katër bashkëpunëtorët e tyre, që ende nuk janë arrestuar, akuzohen për vepra penale, si “ ekspozim dhe shkelje të ligjeve sportive amatore dhe profesionale” dhe për “ të ardhurat të siguruara nga aktivitetet kriminale”.

Të arrestuarit u dërguan në Prokurorin Publik të Athinës

Përfaqësuesit e Policisë Franceze (OCLAESP), Autoritetet Doganore Franceze (SEJF) dhe EUROPOL ishin të pranishëm në Selinë e Drejtorisë së Policisë Ekonomike gjatë aksionit të përbashkët operacional. Pas fillimit të hetimeve në Greqi, hetimet u kryen edhe në Francë, ku u arrestua një person i huaj. /Fjala.al/

Të fundit

Serbia: Do hetojmë akuzat nga Rusia se furnizuam Ukrainën me armë

Serbia dhe Rusia do ta kryejnë një hetim të përbashkët për atë se si municionet e prodhuara nga Serbia...

Frrok Çupi: Kush do të shpëtojë nga Edi Rama?!

Në klasën e madhe të mexhlisit ngrihen duart: ‘Unë, zyshe!… Unë!… Unë!’. Bëhen disa njerëz të kësaj klase që duan të shpëtojnë nga Edi...

U qëllua në lëvizje, plagoset me armë zjarri një 40-vjeçar në Durrës

Një 40-vjeçar është plagosur me armë zjarri në qytetin e Durrësit. Burimet bëjnë me dije se i plagosuri ka arritur të shkojë vetë deri...

EURO U-17 në Shqipëri, Portugalia dhe Franca në finale, eliminohen Italia dhe Belgjika

Portugali-Francë është finalja e madhe e Kampionatit Europian U-17, që do të luhet më 1 qershor, në “Arenën Kombëtare”. Portugalia mundi Italinë në gjysmëfinale pas...

Tiranë, alarm për bombë te parkimi i hotelit, policia rrethon zonën! Dyshohet për…

Një telefonatë anonime në sallën operative të policisë ka ngritur në alarm forcat e rendit pasditen e sotme në Tiranë. Bëhet fjalë për një...

Lajme të tjera

Web TV