Historia e vrasjes që tronditi vendin dhe që në qendër ka një histori dashurie, vijon të tronditë me të dhënat e reja që dalin nga dëshmitë e banorëve. Fqinjët që kanë jetuar prej një jete bashkë tashmë janë jo vetëm hasëm por edhe të shkatërruar për shkak të vrasjes së dyfishtë, një historie që s’dihet se sa e vërtet është dhe një djali që do të mbajë mbi vetë krimin e rëndë të marrjes së jetës së dy shokëve për shkak të një martese të prishur.
Edhe pse të gjithë kanë qenë në dijeni të kësaj përplasjeje mes familjeve askush nuk ka ndërhyrë të ulë gjakrat dhe të flasin mbi gjithçka ka ndodhur me tyre por e kanë lënë të vijojë deri te masakra e ditës së djeshme.
Policia ka bërë me dije se ka nisur hetimet për të mësuar më shumë detaje për ngjarjen por ende nuk ka mundur të sigurojë një dëshmi të plotë të Martin Skendajt, djalit që kreu krimin e rëndë.
Burimet nga spitali i Fierit tregojnë se në trupin e viktimave janë gjendur shumë plagë, ku Manoli, është ekzekutuar me 7 plumba ndërsa kushëriri i tij, Elisi me 5 plumba. Policia e Fierit ka marrë përsipër ruajtjen e rendit mes dy familjeve, asaj të Manolit dhe të autorit për shkak se gjenden shumë afër.
Autori i vrasjes është djalë i vetëm me dy motra, A, që pretendohet edhe si personi që ka patur lidhje me viktimën dhe një motër më të vogël në moshë. Prokuroria ka kërkuar dëshminë e familjes së ish-burrit të A, për të mësuar se cili ka qenë shkaku i divorcit. Manol Rrapaj u vra vetëm pak ditë pasi ishte kthyer nga Gjermania ku kishte emigruar.
Ndërkohë Elisi jetonte në fshat dhe kishte shoqëruar kushëririn e tij vetëm që të arrinin të shmangnin këtë ngjarje të rëndë që iu mori jetën të dyve. /Fjala.al/
