Interi do të luajë nesër në orën 18:00 në “San Siro” me Xhenoan e vendit të parafundit. Ky takim për Antonio Konten është ndeshja më e rëndësishme e këtij viti, sepse sipas tij do i mundësonte Interit që të mbante i vetëm vendin e parë të Serisë A.
Ndonëse Interi ka shfaqur rezultate të larta, takimi me Fiorentinën dhe Romën u mbyllën me barazime, gjë të cilën Konte e komenton si një pakujdesi të skuadrës.
“Është ndeshja e fundit që luajmë. E kam thënë gjithmonë se duhet të arrijmë gjatë Krishtlindjeve në kushtet më të mira të mundshme. Kanë qenë muaj ku jemi përballur me probleme të mëdha. Kemi bërë mirë dhe kemi vepruar siç duhet. Duke qenë se këto probleme kanë dalë prej këtij grupi lojtarësh, kjo i ka ndihmuar të jenë më të përgjegjshëm për të ardhmen.”-tha ai.
Me tej, tekniku i Interit ka shtuar se fitorja e nesërme do ishte një shenjë dhe do e fiksonte ekipin e Juventusit.
“Do të ishte një sinjal shumë i rëndësishëm për ne nëse fitojmë nesër. Më parë kam qenë i shqetësuar sepse kemi bërë zgjedhje të detyruara. Do të ishte e mrekullueshme po të fitonim nesër.”-u shpreh trajneri i zikaltërve.
Ndër të tjera, Konte ka thënë se ndonjëherë fitoret të shkatërrojnë dhe se nuk duhet të ketë tundime.
“Duhet të vazhdojmë të ndërtojmë një ekip më të fortë. Disa herë kam thënë se nuk është e nevojshme të fitosh. Ndonjëherë fitoret të shkatërrojnë, ndonjëherë të tundojnë. Ka situata ku nuk di se si të fitosh kur njëkohësisht s’ke baza të qëndrueshme. Ky është qëllimi ynë”, -tha ai.
Kjo ndeshje i jep mundësin ekipit të Interit që të mbyllin këtë vit si kampion të Serisë , ndonëse përballë do kenë vendin e parafundit të kategorisë./Përgatiti: Fjala.al/
