Që pas ndërhyrjes turke në Siri, festimi me stil ushtarak është kthyer në një trend.
Format më të shumta të festimit janë gjendur në futboll, ku ashtu si në ndeshjet e Turqisë përgjatë eliminatoreve të Evropianit, ato janë përsëritur sërish.
Kjo ka sjellë revoltën e organit drejtues të futbollit evropian, UEFA.
Pas gjobës prej 50 mijë euro për kombëtaren turke, UEFA mund të mos mbajë dorën as kundër ekipit të Superligës në këtë vend.
Bëhet fjalë për ekipin e Medipol Basaksehir, të cilët përshëndeten tifozët ushtarakisht pas golit ndaj Wolfsberger në UEFA Europa League. Për këtë veprim, UEFA ka hapur hetimet dhe shumë shpejt mund të merret një vendim final.
Futbollistët bënë gjestin polemik në 24 tetor ndërsa luanin në Stamboll. Pavarësisht se nuk ka ndonjë konfirmim zyrtar veprimi shihet si një mbështetje e operacioneve ushtarake turke në Siri.
Komiteti Disiplinor i UEFA, i cili hetoi incidentin, dënoi klubin për përshëndetjen ushtarake, duke paralajmëruar Basaksehir për sanksione më të forta nëse veprimi kryhet përsëri.
