Një 15 vjeçar i humbur dy vite më parë është gjetur nga policia në Gjermani, në shtëpinë e një burri. Ky i fundit është i dyshuar për veprën penale për pornografi me fëmijë.
Ngjarja e rëndë ka ndodhur qytetin Reklinghauzen në perëndim të vendit, ku pas një aksioni policior në shtëpinë e 44-vjeçarit të dyshuar, është gjetur adoleshenti i fshehur në dollap. Autoritetet kanë njoftuar se djaloshi ndonëse i mitur nuk është mbajtur kundër vullnetit të tij.
“Aktualisht nuk ka indikacione se djaloshi është mbajtur në shtëpi kundër vullnetit të tij”, -thuhet në deklaratën e policisë.
Tashmë 15-vjeçari ndodhet nën përkujdesën e policisë.
Ai jetonte në Reklinghauzen kur autoritetet e rendit u alarmuan nga telefonata se një i ri është zhdukur. I dyshuari është dërguar në qeli, kurse policia ka konfiskuar pajisjet elektronike nga shtëpia e tij që do të shërbejnë si prova në procesin gjyqësor.
/Fjala.al
