Ata vazhdojnë të jenë në majën e futbollit jo vetëm në Europë. Kanë mundur të fitojnë edhe përballjen për trofeun e fundit e ndër meritat më të mëdha i ka trajneri i tyre.
Jurgen Klopp ka folur pas ndeshjes, si gjithnjë i matur dhe duke respektuar kundërshtarët.
Por Liverpool-i i tij, pasi atij eliminimi spektakolar që i bëri Barcelonës në fazën e gjysmë finaleve, duket që s`njeh kundërshtar as këtë vit.
Ndonëse synimi është fitimi i kampionit anglez, Liverpool dhe Klopp duan të fitojnë gjithçka.
Kështu ata u shpallën për herë të parë fitues të kupës së botës për klube. “The Reds” mposhtën Flamengon 1-0 në finale.
Por pas ndeshjes, Jurgen Klopp ka folur për këtë arritje nga skuadra e tij.
Tekniku gjerman tha se skuadra e tij është jashtëzakonisht e lodhur pas këtij triumfi, por kjo ‘sakrificë’ ia ka vlejtur.
“Jemi të gjithë të lodhur nga një ndeshje e vështirë” ka thënë Klopp.
“Ishte performancë e jashtëzakonshme dhe ndeshje shumë e vështirë, kundër një kundërshtari të mirë” shtoi gjermani.
“Ne kemi bërë shumë gjëra të mira! Është e pabesueshme kaq shumë momente të mira futbolli” ka thënë ndër të tjerash trajneri i ‘Reds’.
Ishte braziliani i talentuar Roberto Firmino, lojtari që shënoi golin e vetëm të takimit dhe të fitores për Liverpool, duke e vënë skuadrën e tij në krye të botës së futbollit.
