Sot në orën 12:00 do të luhet ndeshja e Superligës midis Flamurtarit dhe Teutës së Durrësit, e cila u ndërpre ditën e djeshme si pasojë e kushteve të këqija atmosferike dhe terrenit jo të favorshëm në fushë.
Kjo është ndeshje e vlefshme për javën e 17-të të Kategorisë Superiore, ku Flamurtari aktualisht ndodhet në vend të fundit të renditjes, ndërsa Teuta në vendin e gjashtë, por që me pak pikë diferencë me vendin e shtatë dhe atë të tetë.
Fitorja është jetësore për të dyja skuadrat, pasi Flamurtarit i duhen pikët për të shpëtuar nga zona e rrezikut ndërsa Teutës për të mos u bërë pjesë e saj.
Rikujtojmë se takimi i djeshëm u ndërpre vetëm tetë minuta pas fillimit pasi kushtet atmosferike dhe terreni shumë i rënduar e bënë të pamundur vazhdimësinë e këtij takimi.
Formacionet zyrtare:
Flamurtari: Moçka, Gocaj, Zeqaj, Deliaj, Muçollari, Rrapaj, K. Nebihu, Vrapi, Hoxhaj, Ribaj, Vatnikaj. Trajner: Luan Birçe
Teuta: Frashëri, Todorovski, Hoxha, Arapi, Kouros, Aleksi, Avdyli, Kallaku, L. Vila, E. Vila, Nikac. Trajner: Edi Martini/Përgatiti: Fjala.al/
