Trajneri i Tottenham, Jose Mourinho ka ironizuar reagimin e mbrojtësit të Chelsea-s, Antonio Rydiger, ndaj thirrjeve raciste të tifozëve.
Ditën e djeshme u luajt ndeshja midis Tottenham dhe Chelsea-it, ku këta të fundit arritën të fitonin me rezultatin 2-0.
Ndërkohë, tekniku i Tottenham nuk është marrë aspak me rezultatin e këtij takimi, ku skuadra e tij doli humbëse, por vëmendjen e ka përqendruar të gjithën te incidenti me Rudiger-in.
“Unë nuk pashë gjë. Pashë arbitrin që ndoqi protokollin. Ai erdhi te Marriner (arbitri i katërt), tek unë dhe Frenk dhe na tregoi se çfarë po ndodhte. U ndoq protokolli dhe ne jemi një nga klubet. Çdo klub është së bashku në këtë situatë dhe natyrisht që jemi të zhgënjyer”.-tha ai.
Më tej, Mourinho ka thënë se Rudiger-i nuk ka thyer ndonjë brinjë e nuk është në spital nga situata e djeshme dhe e cilëson si jo normale kartonin e kuq që mori Soni, duke shtuar në mënyrë ironike se i uron të shkuara mbrojtësit të Chelsea-s.
“Ishte një ditë e keqe. Nuk e nisëm mirë ndeshjen. Chelsea e nisi më mirë se ne. Ata shënuan nga një goditje këndi e prerë shkurtazi dhe kjo më zhgënjen. Nuk ishim të përqendruar. Goli dytë ishte një gol i keq. Penalltia ishte penallti, vendim i drejtë nga VAR-i, por situata e Sonit u menaxhua keq. Arbitri duhet të ndëshkonte Rudigerin dhe reagimi i Sonit nuk është një gjest agresiv.
A ka Rydiger ndonjë brinjë të thyer apo ka shkuar në spital? Disa njerëz e quajnë një gjest inteligjent të tij. Për mua ai karton i kuq ishte i çuditshëm. Shpresoj që Rudiger të riaftësohet nga thyerja e brinjëve, sepse ai duhet të ketë brinjë të thyera me siguri”.-tha ndër të tjera Trajneri i Tottenham./Përgatiti: Fjala.al/
