Grupi më i madh i mbështetësve të Kombëtares Shqiptare, “Tifozat Kuq e Zi” kishin ditën e djeshme përvjetorin e 16-të të krijimit të tyre.
Është ky tifogrup i famshëm, i cili në çdo ndeshje të kombëtares skuq stadiumin me ngjyrën e flamurit tonë.
“Tifozat Kuq e Zi” kanë shoqëruar Kombëtaren Shqiptare të Futbollit në çdo ndeshje dhe i kanë përkrahur në çdo moment të tyre qoftë në fitore apo në humbje.
Mirëpo situata e krijuar nga tërmeti i 26 nëntorit të këtij viti nga ku humbën jetën 51 persona u plagosën me qindra të tjerë dhe u shkatërruan jashtëzakonisht shumë banesa, ka bërë që ky tifogrup ta shtyjë aktivitetin për 16-vjetorin e krijimit të “TKZ”-së dhe të angazhohet në dhënien e ndihmës ndaj personave të prekur.
Ata kanë dalë në ndihmë të të dëmtuarve nga tërmeti që në momentet e para dhe vazhdojnë ende të jenë përkrahë tyre, duke i dhënë akoma më shumë kuptim shprehjes që përdorin në çdo ndeshje “O sa mirë me qen shqiptar!”./Përgatiti: Fjala.al/
