Barcelona ka ndarë buxhetin që ka vendosur të shpenzojë gjatë merkatos së janarit për bërë afrimet e duhura në klub.
Katalanasit mbajnë vendin e parë si skuadra që shpenzon më shumë jo vetëm në blerje e lojtarëve, por edhe në rrogat e tyre.
Mediet vendase raportojnë se, drejtuesit e Barcelonës kanë vendosur në2 dispozicion një shumë prej 75 milionë eurosh që do të shpenzohen për blerjet e reja.
Ky buxhet u vendos nga samiti i drejtuesve të klubit, të cilët gjithashtu diskutuan edhe për përparësitë e vitit 2020.
Nga diskutimet u ra dakord që vëmendja kryesore do u kushtohet lojtarëve të grupmoshës nën 25 vjeçare, kjo për shkak se mendohet për ndërtimin e ekipit të së ardhmes, si dhe u theksua se duhet bërë patjetër shitja e lojtarëve të panevojshëm për t’i siguruar klubit sa më shumë fonde.
Në këtë samit u fol edhe për të ardhmen e Philipe Coutinhos, pasi duket se qëndrimi i mëtejshëm te Bayern Munchin është i pamundur. Ndërsa, nga ana tjetër Barcelona nuk pranon që të shesë një lojtar të tillë për një shifër më të vogël se 100 milionë euro.
Barça është në pritje të ofertave për të dhe shpreson se ndonjë nga skuadrat e Premier Ligë të kërkojë blerjen e brazilianit dhe të paguajë shifrën e vendosur për të./Përgatiti: Fjala.al/
