19-vjeçari me origjinë shqiptare, Marash Kumbulla është një nga lojtarët më të vlerësuar dhe më të kërkuar të sezonit në Serinë A.
Për Kumbullën janë interesuar një numër i madh skuadrash,të cilët duan që ta marrin në radhët e tyre. Ai arriti të spikasë më skuadrën e Veronës ku dhe ka luajtur si titullar gjatë gjithë kësaj pjese të sezonit.
Ofertat e larta për 19-vjeçarin bën të mendosh se ky do jetë sezoni i fundit që ai do luajë me klubin e Veronas..
Skuadra me emër si Juventus, Napoli, e Inter kanë shprehur publikisht dëshirën për blerjen e shqiptarit. Se fundmi garës për të, i është bashkangjitur edhe skuadra e Lazios. Një drejtori sportiv si shqiptari Igli Tare nuk mund t’i shpëtonte pa vënë re një talent i tillë si ai i Kumbullës.
19-vjeçari është një rast tipik për Taren, i cili mbledh talentet e reja e investon për ta, e mbi të gjitha origjina e të dyve është një tjetër faktor që mund të ndikojë te kalimi i Kumbullës te Lazio./Përgatiti: Fjala.al/
