Ish-lojtari i Partizanit dhe Laçit, Marko Cetkoviç ka marrë çmimin e futbollistit më të mirë të vitit në kampionatin e futbollit të Malit të Zi.
Mesfushori luan për ekipin malazez të Sutjeskës dhe ka arritur që të ketë një sezon të shkëlqyer gjatë këtij viti. Mediet vendase kanë raportuar këtë ngjarje ku 33-vjeçari është nderuar me çmimin e lojtarit më të mirë. Roli i theksuar i protagonistit te skuadra e tij ka bërë që Cetkoviç të përzgjidhet kampion me 44 pikë në totalin e 19 ndeshjeve.
Marko Cetkoviç ka luajtur me skuadrën e Laçit në sezonet e viteve 2014-2016, ku është aktivizuar në 45 ndeshje dhe ia ka dalë që të shënojë portën 11 herë.
Ndërsa, në sezonin e vitit 2017 ai kaloi te klubi i Partizanit, por performanca e tij me këtë ekip nuk ishte mjaftueshëm i mirë, pasi në 16 takime që u aktivizua me fanellën e “Demave” ai mundi që të realizonte vetëm 1 gol.
Ky vit tek skuadra e Sutjeskës së Malit të Zi,ka rezultuar shumë i suksesshëm për mesfushorin, i cili u shpall edhe futbollisti më i mirë./Përgatiti: Fjala.al/
