Fatkeqësitë në jetë janë më të ndryshmet por asnjë nuk ka parë fatkeqësi më të madhe se dikush që gjen një thes me para dhe ja rikthen të zotit. Me siguri këtë mendim kanë ndarë edhe policët e turitnit që morën denoncimin se dikujt i kishin humbur 16 mijë euro. Megjithatë policëve ju ka dalë nami për budallenj dhe nuk janë adeptët për të dhënë këshilla të shëndosha.
Ishte pikërisht një burrë 63 vjeçar në Gjermani të cilit i humbi çanta me para por melankolia dhe sytë e përlotur të tij zgjatën pak. Ai i kishte harruar çantën e shpinës nën një pemë për arsye që as zoti vetë nuk arrin t’i kuptojë.
Gjetësi i parave ishte një 51-vjeçar , i cili me siguri ka patur probleme të rënda me shëndetin mendor.
Pas denoncimit të tij në polici u desh pak kohë që të bëhej bashkimi i ëmbël mes pronarit dhe çantës së shpinës. Sa romantike! Momente kaq të ëmbla ndodhin rrallë. Më saktë duhet të kesh shumë fat që të ndodhin.
Idiotësia e gjetësit nuk mbaroi këtu, pasi ai refuzoi tarifën e gjetësit si shpërblim për kthimin e çantës. Sipas medieve lokale, në Gjermani, kushdo që kthen një objekt të gjetur ka të drejtë të marrë tarifën e gjetësit bazuar në vlerën e sendit.
Gjithsesi gjetësi nuk është shembull i mirë për t’u ndjekur, mos u influenconi./Fjala.al
