Kompania shumkombëshe e pijeve të gazuara “Coca Cola”, ka vendosur që të largohet nga Sicilia dhe të zgjedhë Shqipërinë. Kompania që prodhon dhe shet shishe me pije të gazuara, duket se është e gatshme të transferojë gjithë linjën e prodhimit “Coca-Cola” nga Catania e Siçilisë, Itali, në Tiranë.
Shkak është bërë politika e taksave që ndjek Italia dhe favoret që ofron legjislacioni shqiptar. Kompania në rast se vjen në Shqipëri do të hapë 350 vende pune.
“Coca-Cola” është e gatshme të transferojë të gjithë prodhimin në Tiranë, për të përfituar nga lehtësirat që ofrojnë dy taksa, ajo e sheqerit dhe e plastikës, të cilat në Itali janë kthyer në penalizuese.
“Il Giornale.it” i ka kushtuar një artikull vendimit të “Coca-Cola”-s, ku thekson se, kompania “Etna” është në vështirësi dhe do të jetë e gatshme të zbarkojë në anën tjetër të Adriatikut.
“‘Sibeg-Coca Cola’ përfaqëson një trashëgimi profesionale dhe prodhuese për Catania dhe Siçilinë. Punëtorët tani janë në rrezik të paguajnë dy taksa të reja qeveritare me një çmim të lartë.
Tashmë në këto ditë të Krishtlindjeve, me menaxherët më të lartë të qytetit të qytetit filluam një diskutim që synon identifikimin e çdo iniciative të dobishme për të shmangur një efekt tjetër orteku në ekonominë tashmë katastrofike të këtij territori “,- shpjegon në një njoftim të gjatë për shtyp Nino Marino, sekretar i përgjithshëm i Uila Sicilia, dhe Alessandro Salamone, anëtar i sekretariatit rajonal të organizatës./Fjala.al/
