Lionel Messi dhe Cristiano Ronaldo kanë një rivalitet shumëvjeçar midis tyre, referuar trofeve e kampionateve të fituara si dhe golave të shënuar në këto 10 vitet e fundit.
Në këtë fundvit që përkon me fundin e dekadës të gjitha mediet janë duke analizuar rezultatet e futbollit ku përfshihet edhe ai i golashënuesit më të mirë dhe i futbollistit që ka shënuar më shumë portën.
Ndërsa, Messi vazhdon që të luajë me Barcelonën dhe rezultatin e ka ende shumë të lartë, Ronaldo i ka kaluar rezultatet e tij për klubin italian të Juventusit, ndonëse performanca e tij ka rënë në krahasim me periudhën kur luante për Real Madrid.
Diferenca e golave në total gjatë këtyre 10 viteve midis portugezit dhe argjentinasit është 25, ku kryeson kapiteni i Barcelonës. Viti më i mirë për Messin ishte 2012, ku ai arriti që të shënojë nj total prej plot 91 golash, ndërsa për Ronaldon ishte viti 2013 ku ai goditi portat e kundërshtarëve plot 69 herë.
Për vitin 2019 mund të themi sërish se performancën më të mirë e ka ylli i katalanasve me 50 gola ndërsa ai i “Zonjës së Vjetër” shënon rezultatin e tij më të dobët të kësaj dekade me 39 gola.
Ndonëse të dy lojtarët janë legjenda të futbollit botëror jo vetëm të kësaj dekade, por edhe për gjithë historinë e këtij sportin, duket se “Pleshti” i Barcelonës kryeson për sa i përket golave të shënuar në këtë 10 vjeçar./Përgatiti: Fjala.al/
