Në një pikë transferimi parash në Tiranë është vënë tritol mëngjesin e sotëm. Policia bën me dije se lënda plasëse ka shpërthyer pranë një pike transferimi parash në Don Bosko. Fatmirësisht nuk raportohet për persona të lënduar, por vetëm dëme materiale.
Njoftimi i policisë
Në orët e para të mëngjesit, në afërsi të murit rrethues të një objekti që shërben si pikë transferte monetare në pronësi të shtetasit P. K dhe në afërsi të banesës në pronësi të po këtij shtetasi dyshohet të ketë shpërthyer lëndë plasëse duke shkaktuar vetëm disa dëme të vogla materiale.
Grupi hetimor, vijon punën për sqarimin e rrethanave të ngjarjes, identifikimin dhe kapjen e autorëve.
