Një ngjarje e tmerrshme ka ndodhur në Argjentinë, ku mësohet se dy futbollistë të skuadrës së Atletico Huracan-it kanë përdhunuar një vajzë.
Mediet vendase raportojnë se Federiko Marin dhe Valter Perez, 21 vjeç të dy kanë abuzuar seksualisht mbi një vajzë. Të rinjtë ranë në prangat e autoriteteve vendase, pasi ditën e djeshme vajza ka denoncuar rastin.
Lojtarët u arrestuan në Kordoba në një hotel, ku dhe u sekuestruan telefona dhe prezervativ. Në Kodin Penal të Argjentinës, një vepër e tillë dënohet me 6-15 vite burg.
Për këtë ngjarje të shëmtuar ka reaguar edhe klubi i Atletico Huracan-it, i cili premtoi se dot merren të gjitha masat ndaj dy lojtarëve nëse do shpallen fajtorë.
“Duke marrë shkas nga ngjarja e fundit, klubi i Atletico Huracan-it konfirmon qëndrimin e tij kundër çdo akti kriminal ndaj gjinisë femërore. Nëse versionet e medieve konfirmohen, klubi nuk do të hezitojë të zbatojë të gjitha masat më të ashpra disiplinore ndaj personave të përfshirë”,-thuhet në komunikatën e Atletico Huracan-it./Përgatiti: Fjala.al/
