Ylli i Barcelonës Lionel Messi ka bindur drejtuesit e klubit ku aktivizohet që të mos e bëjnë pjesë të katalanasve Lautaro Martinezin.
Media spanjolle “El Desmarque” shkruan se kapiteni i Barçës te jetë arsyeja pse drejtuesit e ekipit kanë vendosur të mos hynë në merkato për “Demin”, ky veprim ka ardhur nga “Pleshti” për të mos u cenuar roli i mikut të tij Luis Suarez.
Ky vendim i Barcelonës i jep pushtet të madh argjentinasit brenda klubit dhe në të njëjtën kohë ia lehtëson punën ekipit italian të Interit, i cili prej kohësh dëshiron rinovimin e kontratës me Martinez.
Gjatë këtij sezoni ai ka arritur të shënojë plot 13 gola dhe të japë 3 asiste duke luajtur rol të rëndësishëm për zikaltrit. Ai është bërë pjesë e italianëve nga një kontratë që kap shifrën e 111 milionë eurove, por kërkesat nga ekipet e tjera për të blerë kartonin e uruguaianit, si Manchester City e Real Madrid janë shumë të larta.
Megjithatë, kalimi i tij te Barça nuk duket shumë i largët, pasi Suarez po i afrohet moshës 33-vjeçare dhe largimi i tij nga futbolli pritet të ndodhë së shpejti, duke i hapur kështu dyert e katalanasve për Martinezin.
Ndonëse, është vetëm 22 vjeç, numri 10 i Interit ka pasur një performancë shumë të lartë nëse do ta logarisim nga muaji korrik i 2019, madje rrija e tij shkon në 166.7%./Përgatiti: Fjala.al/
