Presidenti i Serbisë, Aleksander Vuçiç, teksa ka prezantuar një projekt në infrastrukturë, ka përmendur çështjen e dialogut me Prishtinën zyrtare. Sipas tij një dialog mes palësh do të bëhet kur qeveria të heqë 100 % taksën ndaj mallrave me origjinë nga Serbia, duke nënkuptuar njohjen e Kosovës si shtet.
“Le t’i heqin tarifat dhe ne do të bisedojmë. Nëse nuk dëshirojnë, nuk ka gjë. Faleminderit”, -ka thënë Vuçiç.
Ai e ka bërë këtë deklaratë teksa ka prezantuar projektin e tij për pesë vitet e ardhshme duke treguar se do të ndajë për të ashtuquajturën “Zyra për Kosovën’, një shumë shtesë prej 150 milionë eurove.
Ai ka thënë se këto fonde u dedikohen projekteve infrastrukturore.
“Ne do të punojmë kudo që të mundemi, jo vetëm në veri, por edhe në jug të Ibrit, Graçanicë, Ranilug, Kllokot dhe në gjithë Kosovën ku jetojnë serbët”, -ka thënë Vuçiç./Fjala.al
