Mbrojtësi i kombëtares shqiptare të futbollit, Elseid Hysaj, po përflitet se së shpejti do bëhet pjesë e klubit italian të Juventus.
Mediet italiane kanë raportuar së fundmi se trajneri i “Zonjës së Vjetër”, Maurizio Sarri dëshiron që ta ketë sërish shqiptarin në grupin e tij.
Dëshira e Gennaro Gatuzos për të marrë lojtarin e Juves, Matia De Shiljon, e lehtëson akoma më shumë mundësinë e shkëmbimit të lojtarëve dhe kalimin e Hysajt te bardhezinjtë. Kjo do t’i mundonte mbrojtësit shqiptar që të mund të punonte sërish me trajneri që ka pasur te Empoli dhe te Napoli për një periudhë kohore.
Situata është pak më e komplikuar, pasi Paris-Saint German po ashtu dëshiron që të marrë Shiljon. Kalimi i këtij të fundit në Francë do të sillte pengesa për transferimin e Hysajt te Juvja. Prandaj duket se e ardhmja e shqiptarit varet e gjitha se cila nga të dyja skuadrat, PSG-ja apo Napoli do ketë më shumë potencë në marrjen e lojtarit të “Zonjës së Vjetër”.
Ndërkohë, menaxheri i Hysaj është duke biseduar vazhdimisht me Gatuzon dhe presidentin e Napolit De laurentis, për të ardhmen dhe transferimin e lojtarit shqiptar./Përgatiti: Fjala.al/
