Këshilli i Lartë Gjyqësor ka skualifikuar kohë më parë një magjistrat për shkak të problemeve me pasurinë, por Apeli Administrativ ka kundërshtuar këtë vendim.
Bëhet fjalë për Florin Demollarin, që kaloi në filtrat e kontrollit të Këshillit të Lartë Gjyqësor , i cili vendosi të skualifikojë kandidatin dhe refuzoi të bënte emërimin e tij si gjyqtar.
Vendimi u kundërshtua në rrugë gjyqësore nga Demollari dhe pak ditë më parë, Gjykata e Apelit Administrativ e shfuqizoi vendimmarrjen e Këshillit duke e urdhëruar atë të vijonte procedurat për emërimin e magjistratit të skualifikuar.
Vendimi në fjalë, vë në pikëpyetje jo vetëm filtrat e kontrollit, por mund t’i hapë rrugë një precedenti të rrezikshëm. Nga ana e tij Këshilli i Lartë Gjyqësor pritet të kundërshtojë këtë vendim në Gjykatën e Lartë./Fjala.al
