Ish-gazetarja e televizionit “Fox News”, Courtney Friel, ka akuzuar presidentin amerikan, Donald Trump, se e kishte ftuar atë në zyrën e tij për tu puthur para se të bëhej president.
“Ti duhet të vish në zyrën time ndonjëherë, në mënyrë që të mund të puthemi”, -i kishte thënë, sipas saj, Trump.
Ish-gazetarja 39 vjeçe e ka deklaruar këtë gjë në librin e saj ndërsa ftesa nga Trump i ishte bërë gjatë një bisede me telefon disa javë pasi e kishte shfaqur interesimin për të qenë anëtare e jurisë për garën e bukurisë “Miss Amerika”. Ajo thotë se ishte e shokuar nga kjo ftesë, e cila i kishte ardhur papritmas.
Më pas ajo i kishte thënë se të dy janë të martuar dhe e kishte ndërprerë telefonatën menjëherë.
Kjo nuk është gruaja e parë që e akuzon presidentin amerikan për sjellje të pahijshme dhe sulme seksuale. Summer Zervos e akuzoi Trump-in për sulm seksual ndaj saj në një dhomë hoteli në vitin 2007./Fjala.al
