Ekziston një spiun i mundshëm për tërmetet në atmosferën e Tokës, veçanërisht në jonosferë, rajonin midis 50 dhe 1.000 kilometra mbi nivelin e detit. Këtë e thotë një studim i botuar në revistën shkencore Reports nga grupi i udhëhequr prej Institutit Kombëtar të Gjeofizikës dhe Vullkanologjisë (Ingv) dhe që përfshin Agjencinë Hapësinorë Evropiane (ESA) dhe kompaninë Planetek Italia.
Studimi është i bazuar në të dhënat e mbledhura në një rajon të jonosferës, rreth 500 kilometra mbi nivelin e detit, nga yjësia Esa Swarm, e cila përfshin tre satelitë për studimin e fushës magnetike të Tokës.
“Mundëm të konfirmojmë statistikisht se gjatë fazës përgatitore të një tërmeti të fortë ekziston një bashkim midis litosferës, nga ku shkaktohen tërmetet, dhe jonosferës mbivendosëse“, vuri në dukje autori i parë i hulumtimit, Angelo De Santis, i INGV.
“Në këtë rajon të atmosferës së sipërme, – vazhdoi ai, – ekziston në të vërtetë një korrelacion statistikisht domethënës midis disa anomalive elektromagnetike dhe tërmeteve të fortë, me një madhësi të barabartë me ose më të madhe se 5.5, dhe me thellësi deri në 50 kilometra. Megjithatë, – përfundoi ai, – me gjithë anomalitë, statistikisht të lidhura me tërmetet, ende nuk lejojnë parashikime të ngjarjeve sizmike“.
Burimi: ansa.it
Përgatiti: L.Veizi
