Vendimi i një gjykate angleze i dha të drejtë një aktivisti, i pushuar dhe diskriminuar në punë – sipas tij – për bindjet e tij.
Ligji i dha të drejtë: Jordi Casamitjana, aktivist londinez dhe i bindur që është vegan, fitoi betejën e tij për ta bërë të njohur veganizmin e tij si një “besim fetar ose filozofik”. I pushuar nga punëdhënësi i tij për një “shkelje serioze”, ai e kishte tërhequr zvarrë para gjykatësit për të treguar se nuk është e drejtë të diskriminohej vetëm se është vegan.
“Ishte shumë e rëndësishme për mua të fitoja, jo vetëm për veten time, por për të gjithë vegantët e tjerë”, tha ai. është një vendim që do t’i bëjë mirë promovimit të veganizmit si mënyrë jetese. Kush është vegan nuk do të ketë më frikë ta pohojë, dhe të mos pranohet… Ai do të jetë në gjendje të shprehet më lirshëm, dhe kjo do të çojë në një përhapje të veganizmit, i cili do të jetë i mirë edhe për kafshët, mjedisin dhe shëndetin në përgjithësi“.
I pushuar nga League Against Cruel Sports – organizatë bamirësie në mbrojtje të kafshëve dhe kundra sporteve të gjakut siç është gjuetia e dhelprave, lepujve dhe drerëve – pasi ngritën shqetësimet mbi faktin se fondi i pensionit të shoqatës investohej në kompani të përfshira në testet mbi kafshët, Casamitjana pretendon se i ishte nënshtruar sanksioneve disiplinore për ankesat e tij dhe se shkarkimi i tij ishte diktuar nga besimi i tij filozofik mbi veganizmin etik. League Against Cruel Sports, nga ana e saj, hodhi poshtë akuzat dhe shpjegoi se ai e kishte pushuar për “sjellje të keqe”.
Avokatët e tij kanë qenë gjithmonë të bindur se “veganizmi etik” i ka të gjitha kushtet që të konsiderohet një besim filozofik ose fetar, dhe për këtë arsye mbrohet me Ligjin e Barazisë të 2010-ës, ligji kundër diskriminimit.
Burimi: huffingtonpost.it
Përgatiti: L.Veizi/Fjala.al/
