Ylli i Juventus Cristiano Ronaldo ka arritur që të shënojë dy gola në portën e Cagliarit. Momentalisht janë duke u zhvilluar tre ndeshje të Serisë A, Milan-Sampdoria, rezultati i së cilës është 0-0, Atalanta-Parma, ku pritësit kanë shënuar deri më tani 5 gola dhe Juventus-Cagliari, ku rezultati është zhbllokuar nga portugezi.
Pjesa e parë e takimit Juventus-Cagliari u mbyll me barazimin 0-0, duke bërë që asnjë prej portave të mos prekej. Do të duhej minuta e katërt e fraksionit të dyte që Cristiano Ronaldo të shënonte e të kalonte në avantazh “Zonjën e Vjetër” në këtë mënyrë ai theu edhe tabunë që deri më tani kjo skuadër të ishte e vetmja së cilës sulmuesi nuk i kishte bërë asnjë gol.
Ndërsa, në minutën e 67-të portugezi arriti që të shënonte sërish duke dyfishuar rezultatin e bardhezinjëve me anë të një penalltie.
Më pas ishte Gonzalo Higuain ai që do të trefishonte rezultatin e Juves në minutën e 81, duke shuar në këtë mënyrë shpresat e kundërshtarëve.
Ky rezultat duket se nuk i mjaftoi Ronaldos, i cili vetëm një minutë pas Higuain shënoi golin e tij të tretë dhe bëri poker për Juventus./Fjala.al/ Përgatiti: Katerina Tafa/
